Haradinaj tregon dy partitë që po bëjnë thashethemet se AAK po i bashkohet Qeverisë

Aktuale

Haradinaj tregon dy partitë që po bëjnë thashethemet se AAK po i bashkohet Qeverisë

Më: 30 mars 2022 Në ora: 23:24
Ramush Haradinaj

Nga kuzhinat e PDK’së e LDK’së, dalin fjalët se AAK po flirton me Albin Kurtin, thotë ish-kryeministri Haradinaj.

I pari i AAK’së, Ramush Haradinaj, thotë se kjo parti nuk ka marrë ofertë për tu bërë pjesë e qeverisë. Gjithçka që po flitet, sipas tij, është politikë e dy partive më të mëdha opozitare në vend kundër partisë që ai drejton.

“Këto i bëjnë PDK dhe LDK”, thotë Haradinaj.

“E kanë mënyrë me zbeh opozitbërjen tonë. Tri fytyra s’i kemi. Një e kemi. Një fytyrë, një qëndrim, një parim në punë. Në tema të interesit nacional, rasti i referendumit, e kemi përkrah qeverinë, ne e kemi përkrah edhe në çështjen e zgjedhjeve të Serbisë, e përkrahim Fondin e Sigurisë, është gabim mos me përkrah, por nuk synojmë, jo vetëm që s’na e ka bo VV’ja asnjë lloj oferte, por s’ka pasur asnjë komunikim të tillë”, tha Haradinaj.

Thotë se nuk kanë qëllim të hynë në qeveri para zgjedhjeve të reja.

“Ne nuk e kemi plan, nuk e kemi synim, nuk e kemi qëllim e as interes një bashkëpunim qeverisës me VV’në. Nuk shkojmë kësaj rruge. Pas zgjedhjeve s’kemi vija të kuqe për asnjë subjekt politik”, shtoi ai.

“PDK e LDK, s’po them për z.Krasniqi e Abdixhiku, por ka aty kuzhina që kur ndodhen të fajësuar, ata thonë “hajt se më duket ata të Aleancës janë kah flirtrojnë andej”. E vërteta nuk është ashtu, ne po e bëjmë punën tonë drejtë, në interes të vendit”, shpjegoi Haradinaj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat