Avokati i familjes Dehari, Tomë Gashi, ka folur për ekspertizën e Institutit të Zvicrës për rastin “Dehari”.
Gashi ka thënë se Prokuroria Speciale ka manipuluar me provat gjë të cilën, sipas tij, e thotë edhe raporti i ekspertizës.
Avokati Gashi ka thënë se prokuroria i ka dërguar edhe plikot e zbrazëta të provave shtesë, duke dashur në këtë mënyrë të mashtrojë edhe Institutin e Mjekësisë Ligjore në Zvicër.
Ai këto deklarata i ka bërë në emisionin “News Talk”.
Madje, Gashi ka deklaruar që Prokuroria Speciale ka dhënë deklarata të pavërteta rreth raportit vetëm për të bërë kampanjë mediale.
