Ambasadorit Martin Berishaj i kërkohet dorëheqja deri në sqarimin e aferës

Aktuale

Ambasadorit Martin Berishaj i kërkohet dorëheqja deri në sqarimin e aferës

Më: 22 prill 2022 Në ora: 21:13
Martin Berishaj

Eugen Cakolli nga KDI ka thënë se ambasadori i Kosovës në Zagreb, Martin Berishaj duhet të jap dorëheqje nga pozita e tij, derisa afera ku ai përfshihet nga mediat sllovene, të sqarohet.

Sipas tij, skandali ku supozohet se është përfshirë Berishaj, është i karakterit ndërkombëtar.

“Skandali ku supozohet se është i përfshirë Martin Berishaj është i karakterit ndërkombëtar. E duke qenë se Berishaj është përfaqësues i Kosovës në marrëdhëniet ndërkombëtare, kjo e bën momentalisht krejt jorelevant faktin se a mund të jetë kjo shpifje dhe lojë politike në kuadër të garës zgjedhore në Slloveni, apo jo. E rëndësishme është që përfolja në skandale e një ambasadori të shtetit, e cenon kredibilitetin dhe imazhin e Kosovës”, ka shkruar ai.

Cakolli ka thënë se përpjekjet e krerëve institucionalë për ta mbrojtur publikisht ambasadorin Berishaj nuk i ndihmojnë as atij e as Kosovës. 

“Përkundrazi, veç dëm shkaktojnë.”

“Ndryshe, ambasadori Berishaj – me gjithë kontributin dhe bagazhin e madh që bart – do të duhej që vet të ofrojë dorëheqjen, e të mos pranojë që të jetë pjesë e përplasjeve e lojërave politike edhe në Kosovë. Kjo, të paktën deri sa të sqarohet plotësisht çështja dhe të ketë një epilog gjyqësor”, ka theksuar në fund ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat