Senatori Tillis flet me Kurtin për mundësi bashkëpunimi me Karolinën e Veriut

Aktuale

Senatori Tillis flet me Kurtin për mundësi bashkëpunimi me Karolinën e Veriut

Më: 20 maj 2022 Në ora: 00:05
Foto nga takimi

Pas takimit me senatorin Chris Murphy, kryeministri Albin Kurti u takua edhe me senatorët Jeanne Shaheen dhe Thomas Tillis.

Kurti u shpreh se është kënaqësi t’i takoj përsëri, kësaj radhe në Washington D.C.

Në këtë takim u diskutua për veprimet e Qeverisë në luftimin e krimit dhe korrupsionit dhe për rritjen e bashkëpunimint ndërmjet Kosovës dhe ShBA-së.

Kurti tha se luftimi i korrupsionit dhe reformat demokratike janë çelësi i suksesit ekonomik të një vendi dhe stimujt e zhvillimit ekonomik në Kosovë.

Duke pasur parasysh potencialin e Kosovës dhe interesimin e qeverisë për të mbështetur sektorin e Teknologjisë së Inovacionit, senatori Tillis e ftoi Kurtin që të konsiderojë për mundësi bashkëpunimi edhe shtetin e Karolinës së Veriut (North Caroline) që ka rritjen me të shpejtë në industrinë bioteknike.

Senatorja Shaheen dhe senatori Tillis falënderuan edhe një herë Kosovën dhe institucionet e saj për rreshtimin me botën demokratike në dënimin e agresionit të paprovokuar të Federatës Ruse ndaj Ukrainës dhe kryeministrin Kurti për strehimin e afër 1500 qytetarëve afganë të evakuuar në Kosovë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat