Ministri Murati i ashpër me opozitën: Kur po folet “Kujt me i ndihmu?”, ju po refuzoni

Aktuale

Ministri Murati i ashpër me opozitën: Kur po folet “Kujt me i ndihmu?”, ju po refuzoni

Më: 26 maj 2022 Në ora: 11:22
Ministri i Financave, Hekuran Murati

Ministri i Financave, Hekuran Murati ka akuzuar opozitën parlamentare se nuk po lejojnë t’i ndihmojnë qytetarët, duke mos votuar projektet që dorëzohen në kuvend.

Murati tha se kjo ka ndodhur njëjtë me ligjin për pagën minimale, po ashtu për çështjen e energjisë, por edhe për atë me skema sociale.

”Është mbështetja për familjet në asistencë sociale. Në bashkëpunim me Bankën Botërore kemi nisur një reformë, dhe është projekti që ne si qeveri që dy herë tentojmë me sjell në kuvend. Dhe nga deputetët e opozitës, PDK dhe LDK, refuzohet ajo marrëveshje”.

”Pra, kur po folet për kujt me i ndihmu dhe kush ka nevojë më së shumti, ju po refuzoni. Ne kemi sjell marrëveshjen që zgjeron skemën sociale, ju e refuzoni dhe pastaj thoni duhet t’i ndihmojmë qytetarët”.

”Ne e kemi sjell ligjin për pagën minimale në kuvend, dhe çka bëhet lëshohet salla, nuk votohet. Kërkesa juaj ka qenë të mos rritet për ata që shpenzojnë për të gjithë. Ju kërkoni që rritja të bëhet për të gjithë, në mënyrë që të ankoheni pastaj se qeveria ngriti çmimet”.

”Ka shumë e shumë masa që qeveria po i bën por tendenca juaj është me pengu dhe i kundërshtu ato”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat