Haxhiu: Fatkeqësi për vendin që ministër i Financave është Hekuran Murati

Aktuale

Haxhiu: Fatkeqësi për vendin që ministër i Financave është Hekuran Murati

Më: 26 maj 2022 Në ora: 23:49
Bekim Haxhiu

Deputeti i Partisë Demokratike të Kosovës, Bekim Haxhiu tha që në këtë kohë krize është fatkeqësi për vendin që Ministrinë e Financave është duke e udhëhequr Hekuran Murati.

Sipas tij, situata aktuale në Kosovë është për shkak të Muratit dhe Qeverisë Kurti, teksa shtoi që i njëjti kërkon ta hedhë diku tjetër fajin për mosaftësinë e tij.

“Konsideroj që është fatkeqësi për vendin që në kohë krize Ministrinë është duke e udhëhequr Hekuran Murati. Nuk udhëhiqet në këtë formë dikasteri më i rëndësishëm…

Ai është manipulator i jashtëzakonshëm, dhe sa herë del në foltore, asnjëherë nuk shikon te mazhoranca, ose shikon në të majtë nga LDK-ja, ose nga PDK-ja, sepse ky andej i ka problemet. Ky e ka problem ta gjejë dikë fajtor për paaftësinë e tij, sepse kjo situatë është për shkak të mos aftësisë së ministrit të Financave dhe të Qeverisë”, tha Haxhiu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat