Haki Abazi ka njoftuar publikun se nesër në Gjykatën e Prishtinës do të mbahet seanca për shqyrtimin kryesor të rastit të sulmit fizik ndaj tij nga Dardan Molliqaj, anëtari i PSD-së.
Deputeti i Lëvizjes Vetëvendosje tha se seanca do të mbahet në orën 13:15.
Ai tha se është ftuar në gjykatë si i dëmtuar dhe po ashtu si dëshmitar i rastit.
“Nesër në ora 13:15 në gjykatën themelore në Prishtinë, është caktuar seanca e hapur për shqyrtim kryesor për rastin e sulmit që është kryer në tv T7. Jam ftuar si i dëmtuar dhe si dëshmitar. Poashtu i ftuar është i akuzuari D.M për veprën penale nga neni 184 lidhur me nenin 31 të KPRK”, tha Abazi.
Molliqaj e kishte sulmuar Abazin në shtator të vitit 2019, pas një debati televiziv.
