Rritja e rasteve me Covid, ministria e Shëndetësisë bën thirrje për vaksinim

Aktuale

Rritja e rasteve me Covid, ministria e Shëndetësisë bën thirrje për vaksinim

Më: 22 qershor 2022 Në ora: 15:09
Ilustrim

Ministria e Shëndetësisë ka bërë të ditur se është shënuar rritje e rasteve me Covid-19 duke rritur kësisoj edhe numrin e rasteve aktive.

MSH me anë të një njoftimi bën thirrje që qytetarët të vaksinohen me vaksinën antiCovid.

“Imuniteti i fituar përmes vaksinimit, me kalimin e kohës vjen duke rënë, prandaj vaksinimi me dozën e radhës (doza e dytë apo e tretë) ndihmon në rindërtimin e imunitetit.”, thuhet ndër të tjera në njoftimin e tyre.

Njoftimi i plotë:

Sipas të dhënave nga Instituti Kombëtar i Shëndetësisë Publike të Kosovës, gjatë dy javëve të fundit, është shënuar rritje e rasteve të COVID-19, që ka ndikuar rrjedhimisht edhe në rritjen e rasteve aktive.
 

Me qëllim të parandalimit dhe mbrojtjes nga infeksioni, Ministria e Shëndetësisë u bën thirrje qytetarëve që nuk kanë marrë ende asnjë dozë të vaksinës kundër COVID-19, që të vaksinohen, ndërsa qytetarët që i kanë marrë një apo dy doza të vaksinës, ta marrin dozën e dytë, respektivisht dozën e tretë të vaksinës.
 

Imuniteti i fituar përmes vaksinimit, me kalimin e kohës vjen duke rënë, prandaj vaksinimi me dozën e radhës (doza e dytë apo e tretë) ndihmon në rindërtimin e imunitetit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat