Reagon deputetja e AAK-së, pasi Shkretës iu vodhën 50 mijë euro

Aktuale

Reagon deputetja e AAK-së, pasi Shkretës iu vodhën 50 mijë euro

Më: 26 qershor 2022 Në ora: 08:29
Foto ilustrim

Mbrëmë u raportua se mbi 50 mijë euro para të padeklaruara dhe ari në vlerë 10 mijë euro, i janë vjedhur deputetit nga radhët e Lëvizjes Vetëvendosje, Mirsad Shkreta.

I njëjti kishte deklaruar në Polici se paratë nuk kanë qenë të gjitha të tij, por edhe të baxhanakut të tij.

Për këtë çështje, ka reaguar edhe deputetja e AAK-së, Albana Bytyqi.

Ajo në Facebook tha se dikur LVV-së iu gjenin gurë e molotovë, kurse sot po iu ‘vjedhen’ mbi 50 mije euro të padeklaruara.

“Çfarë jetë e çuditshme. Dikur Vetëvendosjes iu gjenin gurë e molotovë, mjete këto që i përdornin për kauza të ‘mëdha’, e sot po iu gjinden e ‘vidhen’ mbi 50 mijë euro. Të mos harrojmë, të padeklaruara, CASH. Kryeministër, qysh je? Qysh i ke pasanikët?”, shkroi ajo në Facebook.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat