Kryetari i Shoqatës së Naftëtarëve të Kosovës, Fadil Berjani, tha se vendimi i Qeverisë karshi çmimeve të naftës duhet të respektohet, por se, siç vlerëson ai, ka gabime në kalkulimin e tyre.
Tutje, Berjani ka thënë se shpresojnë që ky gabim të përmirësohet në ditët në vijim.
“Vendimi i Qeverisë duhet te respektohet dhe është duke u respektu, por vendimi ka gabime në kalkulim te çmimit”.
“Shpresojmë se në ditët në vijim gabimi do te përmirësohet”, ka shkruar Berjani.
Ky reagim i Berjanit vjen pas publikimit të Udhëzimit Administrativ të miratuar në mbledhjen e fundit të Qeverisë për sa i përket rregullimit të çmimeve të naftës.
Sipas këtij udhëzimi administrativ, çmimi për marzhën tregtare maksimale për litër të produktit të naftës shitur me shumicë është 2 centë, derisa për litër të produktit të shitur me pakicë është 12 centë.
