Latifi tregon çka do të mbahet mend për UÇK-në kur të jenë shuar inatet dhe grindjet

Aktuale

Latifi tregon çka do të mbahet mend për UÇK-në kur të jenë shuar inatet dhe grindjet

Më: 1 korrik 2022 Në ora: 19:44
Blerim Latifi

Blerim Latifi, profesor e opinionist si dhe ish-pjesëtar i Ushtrisë Çlirimtare të Kosovës, është përfshirë në debatin e fundit që lidhet me luftën e UÇK-së, pas daljes në dritë të disa mendimeve të vjetra për veteranët nga ministri i Financave, Hekuran Murati.

Latifi ka thënë se përveç kryengritjes së UÇK-së që realizoi aspiratat e synuara, të gjitha kryengritjet tjera shqiptare në Kosovë, kanë pasur përfundim tragjik.

“Të gjitha kryengritjet shqiptare në Kosovë, duke fillu nga ajo e Pjetër Bogdanit, në vitin e largët 1689, kanë pasur përfundim tragjik, janë shuar me gjak nga pushtuesit, pa arritur t’i përmbushin aspiratat e tyre. Me përjashtim të njërës, kryengritjes së UÇK-së”, ka shkruar ai.

Ai ka thënë se kur të shuhen inatet personale, historia do ta kujtojë vetëm një gjë, duke aluduar në fitoren e UÇK-së.

“Nesër, kur të jenë shuar inatet personale dhe grindjet e politikave ditore të brezit tonë, historia do ta mbaj këtë shënim. Të tjerat do t’ia dhurojë harresës”, ka shkruar ai.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat