“100% incidente reale”, ish-mjeku i UÇK-së tregon skenat tmerruese të luftës: Ju që s’ishit aty trusni qaty!

Aktuale

“100% incidente reale”, ish-mjeku i UÇK-së tregon skenat tmerruese të luftës: Ju që s’ishit aty trusni qaty!

Nga: A.ZH Më: 2 korrik 2022 Në ora: 09:05
Liri Loshi

Ish-mjeku i Ushtrisë Çlirimtare të Kosovës Liri Loshi, ka treguar se në luftë ka mjekuar  ushtarë që janë plagosur aksidentalisht nga shokët e tyre. Ai ka thënë se gjatë luftës, ka parë poashtu ushtarë që aksidentalisht kanë vrarë veten.

Derisa ka siguruar se këto skena janë 100 për qind reale, Loshi u ka kërkuar atyre që nuk ishin në luftë, të mos flasin asgjë për të, përcjell Bota sot.

Postimi i plotë i Loshit në Facebook:

Për kuriozitetin e juaj, në luftë kryesisht kam mjekuar ushtarë që janë plagosur nga predhat dhe plumbat e armikut. Por kam mjekuar edhe ushtar që aksidentalisht e ka plagosur shoku i tij. Kam mjekuar nuse që aksidentalisht e ka plagosur burri i saj. Kam mjekuar ushtarë që aksidentalisht e ka plagosur veten. Kam parë ushtarë që aksidentalisht e ka vrarë veten. Krejt kjo ka ndodh në një territor relativisht të vogël që nuk është as sa një e katërta e Drenicës dhe jo më gjatë sesa brenda një viti. Çka ka ndodh në krejt Kosovën, nuk e di, por incidentet që përmenda nuk janë të imagjinuara. Janë 100% reale. E ju që s’keni qenë në luftë fare nuk dini asgjë për luftën. S’ka rëndësi a jeni veteranë a s’jeni. S’ke qenë në luftë, mos fol për luftën. Merri paret e trus rri qaty!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat