Blerim Isufaj më pranë detyrës së Kryeprokurori të Shtetit

Aktuale

Blerim Isufaj më pranë detyrës së Kryeprokurori të Shtetit

Më: 4 korrik 2022 Në ora: 20:48
Foto ilustrim

Gjykata Kushtetuese shpall të papranueshme ankesat e dy prokurorëve, në lidhje për procesin e përzgjedhjes së Kryeprokurorit të Shtetit.

Gjykata Kushtetuese e Republikës së Kosovës konstatoi se dy prokurorët që janë ankuar, nuk i kanë shterruar të gjitha mundësitë ligjore, para se rastin ta dërgojnë në Kushtetuese.

Gjykata Kushtetuese në njoftimin e publikuar, deklaron ae shqyrtoi kërkesat e bashkuara në rastet e parashtruara prokurorët  Shqipdon Fazliu dhe Armend Hamiti.

Që të dy ata ishin kandidatë për Kryeprokurorë të Shtetit të Republikës së Kosovës.

Këta dy prokurorë, e kontestojnë kushtetutshmërinë e vendimit të 6 prillit 2022 të Këshillit Prokurorial të Kosovës.

Ky këshill, ka propozuar që  prokurori Blerim Isufaj të zgjidhet në pozitën e Kryeprokurorit të Shtetit.

Megbjthatë, Gjykata Kushtetuese vendosi që kërkesat e dy prokurorëve, në këtë rast ankues,  t’i shpallë të papranueshme mbi baza procedurale.

“Parashtruesit e kërkesave nuk i kanë shteruar mjetet juridike siç është përcaktuar me paragrafin 7 të nenit 113 [Juridiksioni dhe Palët e Autorizuara] të Kushtetutës së Republikës së Kosovës”, shkruan në vendimin e Kushtetueses.

Kështu, pas këtij vendimi të Kushtetueses, i hapet rruga dekretimit nga Presidentja, të prokurorit Blerim Isufaj, për pozitën e Kryeprokurorit të Shtetit. Kjo pasi në konkursin e shpallur, Isufaj ka marrë pikët maksimale dhe emri i tij është dërguar nga KPK për dekretim te presidentja.

Sidoqoftë, kjo e fubdit ka deklaruar disa herë se nuk do të marrë asnjë vedim pa u qartësuar rasti nga Gjykata Kushtetuese.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat