Drejtori i Ujësjellësit: Shumica e gastronomëve s’e paguajnë rregullisht ujin

Aktuale

Drejtori i Ujësjellësit: Shumica e gastronomëve s’e paguajnë rregullisht ujin

Më: 5 korrik 2022 Në ora: 12:02
Sokol Xhafa

Nga e hëna ka hyrë në fuqi vendimi qeveritar që obligon gastronomët t’u shërbejnë klientëve ujë të pijshëm nga rubineta e sistemit të ujësjellësve publik.

Por, gastronomët nuk janë edhe pagues të rregullt të ujit që e përdorin.

Kështu ka bërë me dije ushtruesi i detyrës së drejtorit ekzekutiv në KRU Prishtina, Sokol Xhafa.

Ai tha se ka raste që gastronomët janë korrekt në pagesa, por në shumicë, dominon mos kujdesi i tyre për të mos e paguar ujin që shpenzojnë.

Ndërsa, rreth vendimi qeveritar që gastronomët të shërbejnë ujë të çezmës, Xhafa në Sytë 7 në Klan Kosova tha se kjo ka qenë kërkesë e tyre kaherë, përderisa uji i Ujësjellësit përdoret në këto lokale për larje e përgatitje të ushqimit, atëherë mund të përdoret edhe për pije.

Sipas tij, gastronomët kanë furnizim stabil me ujë, dhe ofrimi i një gote ujë për konsumatorët e lokaleve nuk e rëndon ujësjellësin.

Xhafa siguroi konsumatorët që uji është i pijshëm, pasi testohet rregullisht.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat