E quajti “gaf historik” krijimin e LDK-së, Mustafa i reagon Ramabajës: Kur enveristët, që idolizojnë Milladin Popoviçin e Dushan Mugoshën...

Aktuale

E quajti “gaf historik” krijimin e LDK-së, Mustafa i reagon Ramabajës: Kur enveristët, që idolizojnë Milladin Popoviçin e Dushan Mugoshën...

Nga: M.L. Më: 5 korrik 2022 Në ora: 22:03
Besian Mustafa

Analisti Sadri Ramabaja e ka quajtur “gaf” historik krijimin e Lidhjes Demokratike te Kosovës.

Ramabaja ka folur për gafat në historinë shqiptare ku i ka radhitur tri prej tyre.

“Dhe gafi i tretë është në vitet 90-ta me piramidën e vetë mashtrimit që ka emrin Lidhja Demokratike e Kosovës që ka dëmtuar shumë vet shpirtin etno-psikologjik të popullit dhe ka dëmtuar shpirtin luftarak të tij”, është shprehur mes tjerash Ramabaja në një debat televiziv.

E ndaj kësaj deklarate ka reaguar menjëherë deputeti i Lidhjes Demokratike të Kosovës, Besian Mustafa.

Ndonëse ka thënë se i pranon mendimet ndryshe, Mustafa është shprehur, se enveristëve, që idolizojnë Milladin Popoviçin e Dushan Mugoshën, LDK ua ka plasur zemrën që s’i ka lejuar ta kthejnë Kosovën në vegël të komunistëve ruso-serb.

Mendimet ndryshe mund dhe t’i kuptoj e pranoj.

Por kur enveristët, që idolizojnë Milladin Popoviçin e Dushan Mugoshën, pështyjnë urrejtje patologjike ndaj LDK-së, kur ata e konsiderojnë themelimin e LDK-së si ndër gafet e historisë sonë… përsëri i kuptoj. LDK të tillëve ua ka plasur zemrën që s’i ka lejuar ta kthejnë Kosovën në vegël të komunistëve ruso-serb”, ka shkruar Mustafa në Facebook.

Ndryshe, Ramabaja përvec krijimit të LDK-së, “gaf” e ka quajtur futjen e Esat Pashë Toptanit në politikë në vitin 1913, si dhe Haxhi Qamilin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat