Turpi i Xhavit Halitit/ Shkruan për Betejën e Loxhës, e nuk përmend kolonelin Tahir Zemaj!

Aktuale

Turpi i Xhavit Halitit/ Shkruan për Betejën e Loxhës, e nuk përmend kolonelin Tahir Zemaj!

Nga: N. Sh. Më: 6 korrik 2022 Në ora: 16:07
Xhavit Haliti

Sot 24 vjet më parë, me në krye kolonel Tahir Zemaj është zhvilluar Beteja e Loxhës, e cila ishte beteja e parë që forcat e UÇK-së mposhtën ato ushtarake dhe policore serbe.

Për 24 vjetorin e kësaj beteje ka shkruar edhe Xhavit Haliti, mirëpo nuk ka përmendur kolonelin Tahir Zemaj i cili tmerroi forcat serbe në Loxhë.

Haliti përmes një postimi në facebook, thotë se kjo Betejë i dha hov luftës çlirimtare.

Ai thekson se ushtarët e UÇK-së ishin të prirë nga Skënder Çeku, dhe rol të rëndësishëm sipas tij dha edhe veprimtari i çështjes kombëtare Binak Dinaj.

Mirëpo Haliti bëri turp të madh, duke mohuar kështu kolonelin Tahir Zemaj i cili ishte komandanti kryesor në këtë Betejë.

Lexojeni postimin e Halitit:

Beteja e Loxhës e 6 korrikut 1998 i dha hov luftës çlirimtare e motiv shtesë ushtarëve të UÇK-së.

Ushtarët e UÇK-së, të prirë nga Skënder Çeku, i shkaktuan humbje të konsiderueshme forcave serbe.

Rol të rëndësishëm në këtë betejë dha edhe veprimtari i hershëm i çështjes kombëtare, Binak Dinaj, si dhe një numër i madh i ushtarëve të UÇK-së, përfshirë edhe banorët e Loxhës, si dhe të fshatrave përreth.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat