Publikon videon kur Tahir Zemaj.../ Armend Zemaj i kundërpërgjigjet Xhavit Halitit

Aktuale

Publikon videon kur Tahir Zemaj.../ Armend Zemaj i kundërpërgjigjet Xhavit Halitit

Nga: P.R Më: 6 korrik 2022 Në ora: 19:06
Xhavit Haliti

Deputeti i PDK-së dhe ish anëtari i Shtabit të “Rognerit”, Xhavit Haliti ka shkruar në 24 vjetorin e Betejës së lavdishme të Loxhës, por askund nuk ka përmendur komandantin kryesor që e udhëhoqi këtë betejë, kolonelin Tahir Zemaj.

“Beteja e Loxhës e 6 korrikut 1998 i dha hov luftës çlirimtare e motiv shtesë ushtarëve të UÇK-së. Ushtarët e UÇK-së, të prirë nga Skënder Çeku, i shkaktuan humbje të konsiderueshme forcave serbe. Rol të rëndësishëm në këtë betejë dha edhe veprimtari i hershëm i çështjes kombëtare, Binak Dinaj, si dhe një numër i madh i ushtarëve të UÇK-së, përfshirë edhe banorët e Loxhës, si dhe të fshatrave përreth”, shkoi Xhavit Haliti.

E ndaj Haliti ka reaguar nipi i kolonel Zemajt, deputeti i LDK-së, Armend Zemaj.

“E vërteta është vetëm një! Me 6 Korrik 1998, njësitet e UÇK-së të strukturuara profesionalisht, të drejtuara nga Tahir Zemaj- Komandant i Zonës III Operative të Dukagjinit dhe ushtarakët e tjerë strategë i dhanë goditjen fatale armikut në Betejën e Loxhës. Aty u dëshmua se UÇK ishte një ushtri që mund t’i dilte zot vendit. Lavdi heronjëve të kombit: Rrustem Bruqi, Lumni Surdulli, Enver Alaj!”, ka shkruar Armend Zemaj, përcjellë “Bota sot”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat