Ministria e Shëndetësisë ka paralajmëruar rritje të mëtutjeshme rasteve me Covid-19, gjatë ditëve në vijim.
Përmes një postimi në faqen zyrtare në Facebook, Ministria ka apeluar te qytetarët të vaksinohen dhe të testohen për Covid-19.
“Rastet me COVID-19 po shënojnë rritje dhe sipas projeksioneve të IKShPK, dinamika në rritje pritet të vazhdojë edhe në ditët në vijim”, thuhet në njoftimin e MSH’së.
Në fund, Ministria ka apeluar edhe që të respektohen masat anti-Covid.
Postimi i plotë:
Rastet me COVID-19 po shënojnë rritje dhe sipas projeksioneve të IKShPK, dinamika në rritje pritet të vazhdoj edhe në ditët në vijim.
Ministria e Shëndetësisë përmes institucioneve shëndetësore mundëson qasje të lehtë në:
– vaksina falas, të sigurta dhe efektive në qendrat e vaksinimit në të gjitha komunat, pavarësisht vendbanimit e shtetësisë,
– teste PCR falas në IKShPK dhe 6 qendrat rajonale (Mitrovicë, Pejë, Gjakovë, Prizren, Ferizaj, Gjilan),
– teste rapide falas në shumë prej QKMF-ve,
– trajtim klinik për Covid-19 në QKUK e spitalet regjionale.
Të nderuar qytetarë,
Nëse keni simptoma, lajmërohuni menjëherë në qendrat e testimit, nëse rezultoni pozitivi izolohuni sipas udhëzimeve.
Bartni maskën në mjedise të mbyllura.
Vaksinohuni në qendrën më të afërt të vaksinimit.
• Personat e moshës mbi 12 vjeç mund të vaksinohen me dozën e parë, të dytë dhe të tretë të vaksinës kundër COVID-19;
• Personat e moshës mbi 60 vjeç mund të vaksinohen edhe me dozën e IV-të (katër muaj pas marrjes së dozës së III-të)
• Fëmijët e moshës 5-11 vjeç me dozën e parë dhe të dytë.