E thotë Latifi: Duhen 3 deri në 5 vite për t'u stabilizuar gjendja në shëndetësi

Aktuale

E thotë Latifi: Duhen 3 deri në 5 vite për t'u stabilizuar gjendja në shëndetësi

Më: 29 shtator 2022 Në ora: 18:20
Rifat Latifi

Ministri i Shëndetësisë, Rifat Latifi, ka dhënë sqarime për deklaratën e tij se për t’u bërë mirë në shëndetësinë në Kosovë duhet të pritet pesë deri në dhjetë vjetë.

Ai ka drejtuar gishtin kah mediat për mënyrën se si ia kanë interpretuar një deklaratë të tillë.

Latifi ka thënë se ka qenë në takim me deputetin austriak kur ka bërë një deklarim të tillë në përpjekje për t’i kërkuar ndihme e mjete për shëndetësi.

“Shumë interesant është çfarë marrim për tituj të gazetave. Unë flitsha me deputetin austriak. Unë atij i thash që pesë deri dhjetë vjetë kemi me qenë afër me hy në Evropë. Për të hyrë atje, neve na duhen mjete e ndihmë”, ka thënë ministri Latifi.

Ai tutje ka thënë se për t’u bërë mirë në shëndetësi duhen tre deri në pesë vite, derisa për të shtuar edhe përmbajtje në gjithë situatën duhen më shumë vite.

“Neve na duhen disa vite, definitivisht na duhen 3 deri në pesë. Por për me i shtu përmbjatje na duhen gjithë këto vite”, ka thënë ministri Latifi.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat