Restoranti ‘Ora’ nuk helmoi askënd, rezultati nga IKSHPK konfirmon këtë

Aktuale

Restoranti ‘Ora’ nuk helmoi askënd, rezultati nga IKSHPK konfirmon këtë

Më: 29 shtator 2022 Në ora: 19:38
Restoranti ‘Ora’

Pas dyshimeve të ngritura për helmimin e pesë qytetarëve në restorantin ‘Ora’ në Podujevë, që pasoi me mbylljen e përkohshme të lokalit dhe arrestimin e pronarit, tashmë kanë dalë rezultatet e analizave të kryera nga IKSHPK..

Restoranti ka njoftuar se rezultat kanë dalë negative, duke vërtetuar se askush nuk është helmuar nga konsumimi i ushqimit që është servuar aty.

“Rezultatet nga Instituti Kombëtar (IKSHPK) dhe AVUK vërtetuan atë çka e tham ne dhe atë që besuat ju të dashur qytetar pra, Jemi të pastër si loti për çka ju falenderoj pa masë. Edhe përkundër vështërsive qe na u krijuan padrejtësisht, jeni ju qytetar nga Podujeva dhe e gjithë Kosova e Disapora që besuat në ne dhe na mbështet në çdo rrethanë.”, thuhet në njoftimin e familjes Hoti.

Rasti fillimisht u iniciua si “Prodhimi dhe vënia ne qarkullim e artikujve te dëmshëm ushqimorë”, teksa u kryen edhe ekzaminimet e nevojshme po nga inspektorët e AUV-it.

Kujtojmë se personat që denoncuan dyshimet për helmim kanë qenë nga e njëjta familje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat