Gramos Agusholli: Unë jam pjesë e familjes politike, që quhet Vetëvendosje, nuk do ta thyej besimin e votuesit

Aktuale

Gramos Agusholli: Unë jam pjesë e familjes politike, që quhet Vetëvendosje, nuk do ta thyej besimin e votuesit

Nga: A.SH Më: 29 shtator 2022 Në ora: 20:22
Gramos Agusholli

Gjatë seancës plenare të së enjtes dy deputetët e LVV-së, Gramos Agusholli dhe Eman Rrahmani janë ulur në anën e majtë të sallës së Kuvendit të Kosovës.

E kjo lëvizje e tyre ngjalli dyshime në lidhje me raportet e tyre me LVV-në.

Për këtë ka reaguar deputeti i VV-së, Gramos Agusholli, ku përmes një shkrimi në Facebook, e ka mohuar kategorikisht duke thënë se “unë jam pjesë e familjes politike, që quhet Vetëvendosje”.

Ai ka thënë se nuk do ta thyej besimin e votuesit të Vetëvendosjes “as duke e lënë Lëvizjen, por as duke i shkelur parimet e mia”.

Postimi në Facebook:

Ndryshimi i ulëses nuk ka qenë as provokim, e as shenjë se po ndahem nga Lëvizja. Unë jam pjesë e familjes politike, që quhet Vetëvendosje, e nuk jam prej atyre që e tradhëtojnë familjen e familjarët, pavarësisht se aty mund të ketë ndonjë mospajtim.

Në secilin rast të parin e kam vendosur votuesin e Lëvizjes. Ata më kanë votuar me 14 shkurt, si pjesë e listës së ndryshimit, andaj edhe unë i përmbahem këtij besimi. Nuk do ta thyej atë besim, as duke e lënë Lëvizjen, por as duke i shkelur parimet e mia.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat