Qindra njerëz ishin mbledhur për të protestuar para Qeverisë së Kosovës pas vrasjes së mbrëmshme të shtatzënës, 35 vjeçare, para Klinikës së Gjinekologjisë në QKUK.
“Dorëheqja nuk mjafton”, “Polici i keni duart me gjak”, “Hapësirat private e publike të pasigurta”, “Historinë e Kosovës po e shkruani me gjak të grave!” janë disa na pankartat që po mbajnë protestuesit në duar.
35 vjeçarja dyshohet se u vra me dy plumba në kokë nga ish-bashkëshorti i saj teksa e njëjta ishte në ditët e fundit të shtatzënisë.
Protestuesit në Prishtinë ia vënë “flakën” Qeverisë
Qindra protestues po e vazhdojnë protestën në drejtim të Qeverisë, në protestën e nisur pas vrasjes së 35-vjeçares, në oborrin e Klinikës së Gjinekologjisë.
Në protestën e nisur në sheshin “Zahir Pajaziti”, u panë qindra qytetarë me thirrjet, “Vrasjet e grave janë vrasje të paralajmëruara”, “Drejtësi, jo poezi”, “Kryeministër, armiku është patriarkati”, “Historinë e Kosovës po e shkruani me gjak të grave”.
Protesta u thirr nga Kolektivi për Mendim dhe Veprim Feminist, në sheshin “Zahir Pajaziti” në Prishtinë.
“Vrasja e grave nga burrat të trajtohet si urgjencë kombëtare”, protestuesit vendosin mbishkrim në dyert e objektit të Policisë
“Vrasja e grave nga burrat të trajtohet si urgjencë kombëtare”, protestuesit vendosin mbishkrim në dyert e objektit të Policisë
Është duke vazhduar protesta kundër vrasjes së grave.
Ajo nisi në sheshin “Zahir Pajaziti”, për të vazhduar deri te objekti i Policisë së Kosovës.
Protestuesit kanë vendosur një mbishkrim në hyrje të këtij objekti ku shkruan “Vrasja e grave nga burrat të trajtohet si urgjencë kombëtare”.
Kjo protestë u organizua pas vrasjes së mbrëmbshme, ku një 35-vjeçare shtatzënë u vra nga ish burri i saj.
Nis protesta për vrasjen e shtatzënës 35-vjeçare
Ka nisur protesta për vrasjen e shtatzënës 35-vjeçare në oborrin e QKUK-së.
Qindra protestues janë mbledhur në sheshin "Zahir Pajaziti", ku po kërkojnë përgjegjësi institucionale për vrasjen e djeshme.
"Polici jeni bashkëfajtorë në vrasjen e grave", "Edhe sa thirrje të humbura", janë disa nga thirrjet e protestuesve, të cilët po marshojnë drejt Prokurorisë së shtetit, Policisë së Kosovës dhe Qeverisë.