Dosja hetimore e Sokol Halilit: “Do ta vras burrin e motrës dhe do të bëj s... në prezencën tënde”

Aktuale

Dosja hetimore e Sokol Halilit: “Do ta vras burrin e motrës dhe do të bëj s... në prezencën tënde”

Më: 1 dhjetor 2022 Në ora: 19:10
Sokol Halili

“Do ta vras burrin e motrës dhe do të bëj seks në prezencën tënde”. Këto ishin fjalët e të dyshuarit që ishin raportuar në organet ndjekëse nga viktima H.M në korrik të këtij viti.

Kallxo ka publikuar dosjen hetimore në të cilën përfshihet deklarata e viktimës H.M., e cila ishte dhënë në hetuesi muaj më parë.

H.M është vrarë mbrëmë me armë zjarri në oborrin e QKUK-së. Autor dyshohet të jetë bashkëshorti i saj, Sokol Halili, i cili ende është në arrati.

E ndjera kishte raportuar se kishte pasur në vazhdimësi dhunë nga i dyshuari Sokol Halili.

Ajo kishte deklaruar se në çdo vizitë të cilën e kishte bërë te familja e saj kishte qenë nën përcjelljen e vjehrrës dhe vëzhgimin nga afër të bashkëshortit.

Përpos dhunës, H.M kishte deklaruar edhe se çdo pagë të cilën e realizonte nga puna në Komunën e Ferizajt ia dorëzonte bashkëshortit duke ia paguar kështu edhe gjobat në trafik.

Viktima kishte deklaruar se disa herë më radhë ishte kërcënuar me armë.

Të gjitha këto pretendime ishin mohuar nga i dyshuari Sokol Halili.

Pas këtyre deklaratave në fund të muajit korrik të këtij viti ishte bastisur shtëpia e të dyshuarit Sokol Halili. Gjatë kontrollit atij i ishin gjetur dy armë, njëra pushkë gjuetie me leje të skaduar dhe një pistoletë me gas. Pasi ishte intervistuar në lidhje me këto armë të konfiskuara, i dyshuari me urdhër të prokurorit Rasim Maloku ishte liruar në procedurë të rregullt.

Për armëmbajtje pa leje Sokol Halili ishte dënuar në shtator të këtij viti me gjobë prej 300 euro.

Përpos akuzës për armbëtjeje pa leje, në gusht të këtij viti Sokol Halili ishte akuzuar edhe për veprën penale – kanosjes, ku rasti është duke u trajtuar.

commentFirst article
Sot mund të lexoni Shfletoni kopertinat