“Reҫaku, dëshmia e fuqishme në sytë e botës për gjenocidin e Serbisë ndaj popullit të Kosovës”

Aktuale

“Reҫaku, dëshmia e fuqishme në sytë e botës për gjenocidin e Serbisë ndaj popullit të Kosovës”

Më: 15 janar 2023 Në ora: 07:27 Përditësuar në ora: 10:38 më 15.01.2023
Ceremonia përkujtimore në 24-vjetorin e Masakrës së Reçakut.

Krerët e shtetit bëjnë homazhe në Reçak

Kryeparlamentari Glauk Konjufca, presidentja Vjosa Osmani, kryeministri Albin Kurti të shoqëruar edhe nga ambasadori, William Walker, ish-kryesues i Misionit Verifikues në Kosovë në vitet ’99, kanë bërë homazhe pranë Kompleksit Memorial në Reçak.

Pas nderimeve, liderët do të marrin pjesë edhe në akademinë përkujtimore që mbahet me rastin e 24-vjetorit të Masakrës së Reçakut.

Edhe Kryetari i Lidhjes Demokratike të Kosovës, Lumir Abdixhiku ka bërë homazhe tek varret e të vrarëve në Reçak.

Qytetarë të shumtë janë mbledhur prej orës 09:00 për të kujtuar viktimat e masakrës se Reçakut që ndodhi 24 vjet më parë.

Krerët e shtetit sot bëjnë homazhe në Reçak

Presidentja Vjosa Osmani, kryeministri Albin Kurti dhe kryekuvendari Glauk Konjufca, sot do të vizitojnë Reçakun, për nder të 24-vjetorit të Masakrës së Reçakut, pas së cilës bota përfundimisht i ktheu sytë drejt tmerrit që po përjetonin shqiptarët nga forcat paramilitare serbe.

Sipas agjendës, krerët fillimisht do të bëjnë homazhe tek Memoriali Përkujtimor, nga ora 10:00.

Ndërkohë nga ora 11:00, udhëheqësit do të marrin pjesë në ceremoninë përkujtimore, në Shtëpinë e Kulturës në Shtime. 

Vendosja e kurorës së përbashkët në memorial me prezencë të togut ceremonial të FSK-së dhe nderimet te varrezat në memorial janë po ashtu në agjendë. 

comment Për komente lëvizni më poshtë
Sot mund të lexoni Shfletoni kopertinat