Xhevdet Pozhari, këshilltar i ministrit të Shëndetësisë, Arben Vitia, i ka reaguar deputetit nga Lidhja Demokratike e Kosovës Driton Selmanajt.
Ky i fundit, ka deklaruar se LDK-ja nuk është psikologe ta trajtojë kryeministrin Albin Kurti, duke e quajtur atë “paranojak”.
E sipas Pozharit, kualifikimet po i bën njeriu që kur flitej për masakrat serbe në Kosovë, thoshte “bolla se na keni lodh”, përcjell Bota sot.
Reagimi i Pozharit në Facebook:
Këto kualifikime i bën njeriu që premtonte "shumë miliarda" investime nga ShBA, pasi që Qeveria ku ai ishte aksidentalisht zv/kryeministër ia pati hapur Vuçiçit dyert e Shtëpisë së Bardhë.
Pra, njeriu që kur flitej për masakra, thoshte "boll na keni lodh mo"!
Për të tillët ende nuk është shpikur ndonjë diagnozë. Rast për studim të mëtutjeshëm!
