Çun Lajçi ka kritikuar LDK dhe AAK të cilat po kërkojnë dorëheqjen e Albin Kurtit.
Ai “godet” LDK-në kur thotë se “pa neve nuk kryhen proceset”, duke iu thënë se “Pse s'i dolet zot kur e kishit n'dorë, por e vjedhët?”.
“Mos vallë Kosova është thyer n'mes faji i tyre apo të nënshkrimeve të atyre që ikën ti rruajnë qimet e kresë!”, shkruan ai.
Postimi i plotë:
Po kërkojnë zgjedhje të parakohshme!
- Të reja, fringo, taze, të papara!
Sa mirë; - "duam ti dalim zot vendit! Pa neve nuk kryhen proceset, thonë"!
- Po pse s'i përfunduat kur ishit?
- Pse s'i dolet zot kur e kishit n'dorë, por e vjedhët?
Eh!
Kurrë s'arritëm ta përfundojmë rrugëtimin e ta ndezim nga një duhan për qejfin tonë!
Po kërkojnë theqafje të Qeverisë ose vetdorëzim të Kryeministrit!
Përse e kërkojnë? Keni pyetur?
Mos vallë Kosova është thyer n'mes faji i tyre apo të nënshkrimeve të atyre që ikën ti rruajnë qimet e kresë!
Kush janë ata që do t'vinë nesër, mbasnesër, një ditë?
T'panjohur apo t'njohur si lira e kuqe?
T'fajshëm apo t'pafajshëm? Të larë apo t'shpërlarë?
Këta që po kërkojnë të kthehen, i kan rruar qimet apo e kan rrjepë lëkurën që të duken të rinjë, fringo!
I kan sharruar brinat që të duken shytana e t'butë, apo i kan mpreh dhëmbët që t'kafshojnë edhe më fort, mbase për t'fundit herë, se koha po ikën!
Lum ata që e dinë kush janë e mjerë ata që e dinë e prap iu besojnë e prap bajnë beeee mbas brinave e thundrave!
