Çka po “zihet”? – Haxhiu në takim me ish-ministrin e LDK-së

Aktuale

Çka po “zihet”? – Haxhiu në takim me ish-ministrin e LDK-së

Më: 11 prill 2025 Në ora: 19:31
Ministrja në detyrë e Drejtësisë, Albulena Haxhiu

Ministrja në detyrë e Drejtësisë, Albulena Haxhiu, është parë sot në një takim me ish-ministrin e Lidhjes Demokratike të Kosovës (LDK), Haki Demolli.

Ky takim vjen vetëm disa ditë para konstituimit të Kuvendit të ri të Kosovës dhe disa ditë pas refuzimit të ftesës – së Kurtit – për takim nga ana e kryetarit të LDK-së, Lumir Abdixhiku.

Kujtojmë se para dy ditësh, Haxhiu ka thënë se LVV po pret që të konstituohet Kuvendi dhe sipas saj, kur flitet për skenarë, dihet që vetëm LVV mund ta bëjë Qeverinë dhe partitë opozitare jo.

Image
Foto nga takimi

Haxhiu ka shtuar se kjo nënkupton që ose LVV e bën Qeverinë, ose shkohet në zgjedhje të reja.

“Po presim që të konstituohet Kuvendi,. Ju e dini që Qeverinë mund ta bëjë VV dhe në anën tjetër s’mundet opozita. Duke qenë kështu, o e bëjmë Qeverinë, o shkojmë në zgjedhje”, ka deklaruar Haxhiu.

comment Për komente lëvizni më poshtë
Sot mund të lexoni Shfletoni kopertinat