Avokati Bajraktari: Liria e medias është vlerë e shenjtë që duhet ruajtur dhe promovuar

Aktuale

Avokati Bajraktari: Liria e medias është vlerë e shenjtë që duhet ruajtur dhe promovuar

Nga: A.SH Më: 3 maj 2025 Në ora: 14:49
Foto ilustrim

Me rastin e Ditës Botërore të Lirisë së Medias, avokati Ardian Bajraktari ka shprehur mirënjohje dhe mbështetje për punonjësit e medias, duke theksuar rëndësinë jetike të lirisë së shprehjes dhe pluralizmit medial në një shoqëri demokratike

“Për liri duhet mund, angazhim e ndonjëherë edhe sakrificë! Liria është e shenjtë, liria është vlerë,” deklaroi Bajraktari, duke nënvizuar se ruajtja e lirisë së medias është një obligim për të gjithë.

Ai i quajti gazetarët, kameramanët dhe zyrtarët medial “gardianë të interesit publik”, duke iu uruar shëndet dhe kurajë për të përballuar sfidat me dinjitet dhe profesionalizëm

Në mesazhin e tij nuk mungoi as një thirrje për përgjegjësi ndaj atyre që garantojnë sigurinë e punonjësve të medias: “Përgjegjësit për sigurinë dhe punën tuaj, paçin 99 arsye më shumë për reflektim e marrshin mësim.”

“Gazetare dhe gazetarë, kameramanë dhe zyrtarë të medias – Urime Dita e Lirisë së Medias!” përfundoi Bajraktari mesazhin e tij.

comment Për komente lëvizni më poshtë
Sot mund të lexoni Shfletoni kopertinat