Presidenti i Këshillit Evropian, António Costa, po qëndron për vizitë zyrtare në Kosovë, ku u prit nga Presidentja e Kosovës, Vjosa Osmani.
Gjatë takimit, u diskutua për rrugën evropiane të Kosovës dhe për nevojën që BE të heqë masat e padrejta ndaj vendit.
Presidentja Osmani theksoi se Kosova është gati për hapa të mëdhenj drejt BE-së dhe kërkoi që aplikimi për anëtarësim të trajtohet me prioritet.
Postimi i plotë:
Kosova është gati për hapa të mëdhenj drejt BE-së. Është koha që edhe BE-ja të tregojë vendosmëri.
Sot pata kënaqësinë ta mirëpres për herë të parë në Kosovë Presidentin e Këshillit Evropian, Antonio Costa.
Me mikun e vendit tonë diskutuam për rrugën evropiane të Kosovës, për domosdoshmërinë që BE t`i heqë masat e padrejta ndaj vendit tonë, dhe për nevojën që aplikimi i Kosovës për anëtarësim në BE të trajtohet sa më parë.