Kallas thotë se BE ka nisur t’i heq masat ndaj Kosovës
Përfaqësuesja e lartë e Bashkimit Evropian për Politikë të Jashtme dhe Siguri, Kaja Kallas, në një konferencë shtypi në Prishtinë, ka thënë BE-ja se kanë nisur t’i heq masat ndaj Kosovës.
Kallas ka thënë se heqja e masave të aplikuara para dy vitesh, po bëhet gradualisht
Ajo ka thënë se ajo personalisht ka qenë e angazhuar që t’i bind vendet anëtare të BE-së që t’i heqin masat ndaj Kosovës.
“…por disa po thonë që Kosova duhet të respektoj marrëveshjet dhe eskalimi në veri është në kundërshtim me këtë. Prandaj kjo është një çështje e ndërlikuar… Dëshirojmë të shohim de eskalimin në veri”, tha Kallas.
Shefja e diplomacisë evropiane u ka bërë thirrje partive parlamentare në Kosovë të bashkëpunojnë për ta zhbllokuar ngërçin politik në vend.
Kallas tha se Bashkimi Evropian është i gatshëm ta mbështesë Kosovën, por liderët e partive politike duhet t’i lënë anash ndasitë dhe ta bëjnë prioritet të ardhmen e Kosovës.
“Formimi i Kuvendit të ri dhe Qeverisë së re është thelbësor për stabilitetin, rritjen dhe të ardhmen evropiane të Kosovës”, tha Kallas.
