IKSHPK-ja i dhuron SSHKUK-në pajisje për zbulim të hershëm të sepsës

Aktuale

IKSHPK-ja i dhuron SSHKUK-në pajisje për zbulim të hershëm të sepsës

Më: 25 maj 2025 Në ora: 12:34
Foto nga vendi i ngjarjes

Pesë pajisje që do të përmirësojnë ndjeshëm zbulimin e hershëm të sepsës i ka dhuruar Instituti Kombëtar i Shëndetësisë Publike të Kosovës, Shërbimit Spitalor Klinik Universitar.

Këto pajisje, sipas Institutit janë thelbësore për diagnostikimin e hershëm dhe të saktë të sepsës, një gjendje serioze që kërkon ndërhyrje të menjëhershme mjekësore.

“Pajisjet e dhuruara do të shërbejnë për të forcuar aftësinë e identifikimit në kohë të infeksioneve në gjak, me përfitime të drejtpërdrejta për një numër të gjerë pacientësh – veçanërisht ata të hospitalizuar në Kujdesin Intensiv dhe Klinikën Infektive”thotë IKSHP-ja.

Ata kanë thënë se ky bashkëpunim përfaqëson një shembull domethënës të fuqisë së veprimit të përbashkët ndërinstitucional, për përmirësimin e shëndetit publik.

comment Për komente lëvizni më poshtë
Sot mund të lexoni Shfletoni kopertinat