Tentativa e 26-të, deputetët mblidhen nesër për ta konstituar Kuvendin

Aktuale

Tentativa e 26-të, deputetët mblidhen nesër për ta konstituar Kuvendin

Më: 4 qershor 2025 Në ora: 00:09
Foto ilustrim

Deputetët e Kuvendit të Kosovës do të mblidhen sërish nesër në përpjekjen e 26-të për konstituimin e Legjislaturës së nëntë.

Deputetët pritet të mblidhen nga ora 11:00 për vazhdimin e 26-të me radhë të seancës, në përpjekje për konstituimin e Kuvendit.

Të hënën, për herë të 25-të ka dështuar përpjekja për konstituimin e legjislaturës së nëntë të Kuvendit.

Kryesuesi Avni Dehari edhe të hënën ftoi subjektet politike parlamentare të cilat nuk kanë propozuar deputetë për anëtarë të komisionit zgjedhor për zgjedhjen e kryetarit të Kuvendit me votim të fshehtë, që ta bëjnë këtë, por të njëjtat nuk paraqitën propozime.

Ai hodhi në votim përbërjen e komisionit, me anëtarët e propozuar në vazhdimet e kaluara të seancës. Nga 104 deputetë të pranishëm në sallë, 51 votuan për, një ishte kundër, ndërsa abstenime nuk pati.

Kjo bëri që të shtuhet seanca për 48 orë.

comment Për komente lëvizni më poshtë
Sot mund të lexoni Shfletoni kopertinat