Basha: Si erdhe në Kuvend dhe nuk votove - si s’erdhe njëjtë është

Aktuale

Basha: Si erdhe në Kuvend dhe nuk votove - si s’erdhe njëjtë është

Më: 11 qershor 2025 Në ora: 13:39
Deputeti i Lëvizjes Vetëvendosje (LVV), Dimal Basha

Deputeti i Lëvizjes Vetëvendosje (LVV), Dimal Basha ka komentuar paralajmërimet e deputetëve të opozitës së deritanishme që do të bojkotojnë seancat e ardhshme.

Deputeti Basha pas dështimit të tridhjetë për konstituimin e Kuvendit tha se të njëjtit po e bojkotojnë me mos votim.

“Kur po thoni ‘ata nuk do të vijnë’, veç tregoma dallimin e një deputeti që vjen e nuk voton edhe atij që nuk vjen fare. Nuk ka dallim. Fuqia jonë e vetme këtu dhe funksioni më i rëndësishëm i një deputeti është për të votuar. Ti si erdhe dhe nuk votove si s’erdhe njëjtë është... Ata mund të votojnë kundër, ata janë duke e shkelur kushtetutën 22 herë ”, deklaroi ai.

Kuvendi i ri nuk ka arritur të konstituohet as pas tentimit të tridhjetë (30-të), të mërkurën më 11 qershor.

Në vazhdimin e seancës konstituive - që ka nisur më 15 prill - të pranishëm sot ishin 93 deputetë.

Sërish nuk arriti të votohet formimi i një komisioni të fshehtë për zgjedhjen e kryeparlamentarit - propozim ky i Lëvizjes Vetëvendosje, Guxo dhe Alternativa.

comment Për komente lëvizni më poshtë
Sot mund të lexoni Shfletoni kopertinat