Lladrovci nuk gjen qetësi, denoncon telefonata kërcënuese dhe jep mesazhin e fortë

Aktuale

Lladrovci nuk gjen qetësi, denoncon telefonata kërcënuese dhe jep mesazhin e fortë

Nga: Bota sot Më: 1 gusht 2025 Në ora: 20:41
Ramiz Lladrovci

Edhe pas largimit nga PDK-ja, kryetari i Komunës së Drenasit, Ramiz Lladrovci, nuk po “gjen qetësi”.

Përmes një postimi në Facebook, ai ka denoncuar shqetësimet telefonike që, sipas tij, po u bëhen qytetarëve, përfshirë edhe nipat e tij, për shkak të përkrahjes publike që ata i japin atij.

Lladrovci paralajmëroi se, nëse këto presione vazhdojnë, ai do t’i drejtohet organeve të rendit dhe do të bëjë denoncime zyrtare.

Postimi i plotë:

Shqetësimi me telefon është vepër e dënueshme

Nuk është kulturë politike as demokratike shqetësimi me telefon dhe tendenca për të imponuar bindjen e keqbërësve.

Qytetarët, në mesin e tyre edhe nipat e mi, janë shqetësuar nëpërmjet telefonit dhe rrjeteve sociale se përse komentojnë dhe më ofrojnë përkrahje publike për kandidaturën time.

E kuptoj se telefonatat janë bërë nga paniku prej njërit nga familjarët e "dhjetëshes", por, nuk është as demokratike e as në kulturën politike kjo metodë e punës.

Nëse ndodh edhe një telefonatë e tillë e shqetësimit dhe presionit, do të njoftohen organet e rendit dhe do të bëj denoncime për këtë pafytyrësi.

Shqetësimi me telefon apo mjetet sociale, është vepër e dënueshme.

Moti jemi të operuar nga frika!  

comment Për komente lëvizni më poshtë
Sot mund të lexoni Shfletoni kopertinat