Oda Ekonomike e Kosovës ka dorëzuar padinë kundër ZRrE-së në Gjykatën Supreme, për detyrimin e bizneseve që të dalin në tregun e lirë të energjisë.
Kjo u bë e ditur nga një postim i OEK-ut në Facebook ku shihet edhe padia.
Sipas një njoftimi së fundmi, kjo padi është ushtruar me qëllim të mbrojtjes së bizneseve, ekonomisë së Kosovës dhe mbrojtjen e qytetarëve të Republikës së Kosovës si konsumatorë të fundit, kundër vendimit të padrejtë të ZRrE-së.
“Ne, si Odë Ekonomike e Kosovës, kemi besim se drejtësia do të vendoset në të mirë të bizneseve, ekonomisë së vendit dhe duke marrë për bazë interesin publik të shtetit të Kosovës”, thuhet në njoftim.