Lladrovci, Tahirit: A përqafoheni me ata që ju quajtën ‘i biri i spiunit’?

Aktuale

Lladrovci, Tahirit: A përqafoheni me ata që ju quajtën ‘i biri i spiunit’?

Më: 21 gusht 2025 Në ora: 00:38
Abelard Tahiri/ Ramiz Lladrovci

Kryetari i Drenasit, Ramiz Lladrovci, ka reaguar ashpër ndaj deklaratave të deputetit të PDK-së, Abelard Tahiri, i cili tha se në Drenas kandidati i PDK-së përkrahet me sy mbyllur dhe se PDK-ja e ka fituar këtë komunë, e jo kryetari aktual.

Përmes një postimi në Facebook, Lladrovci i është drejtuar Tahirit me tone ironike, duke i kujtuar akuzat e kaluara brenda partisë.

“Sonte, ish-ministri meteor, e riktheu ‘Dadën Razë’, paska folë për zgjedhjet në Drenas. Vëmendje: disa i përvetësojnë meritat e dikush i ka ato. Vetëm një pyetje, ish Ministër: kur shkon në selinë me logo, në Drenas, a përqafoheni edhe me ata që të quajtën ‘i biri i spiunit’ para katër vjetëve?”, shkroi Lladrovci.

Ky përplasje e re brenda PDK-së vjen në prag të zgjedhjeve lokale, ku gara në Drenas shihet si një nga më të fortat brenda partisë.

comment Për komente lëvizni më poshtë
Sot mund të lexoni Shfletoni kopertinat