​Murati e mohon se vendimet e Qeverisë lidhen me fushatën elektorale

Aktuale

​Murati e mohon se vendimet e Qeverisë lidhen me fushatën elektorale

Më: 19 shtator 2025 Në ora: 11:05
Ministri në detyrë i Financave, Hekuran Murati dhe Besnik Bislimi

Ministri në detyrë i Financave, Hekuran Murati, ka thënë se vendimet e sotme të qeverisë në detyrë për disa prej komunave të Kosovës nuk kanë të bëjnë me fushatë elektorale për zgjedhjet lokale të 12 tetorit.

Ai pas mbledhjes së qeverisë, ku u morën mbi 15 vendime për projekte dhe investime infrastrukturorë në disa prej komunave të Kosovës tha se ekzekutivi është në detyrë dhe duhet të ketë vendimmarrje.

Murati në konferencë për media, është pyetur edhe për deklaratat e ish-zyrtarit të lartë amerikan, James Rubin në Hagë në procesin kundër krerëve të UÇK-së, teksa tha se LVV-ja ka qenë konsistente kundër Speciales.

Në anën tjetër, ai përsëriti qëndrimin e kryeministrit në detyrë, Albin Kurti sa i përket vendimit të ShBA-së për pezullim të dialogut strategjik me Kosovën.

comment Për komente lëvizni më poshtë
Sot mund të lexoni Shfletoni kopertinat