Basha short për nënkryetarin, pasi Simiq nuk e propozoi Rashiqin

Aktuale

Basha short për nënkryetarin, pasi Simiq nuk e propozoi Rashiqin

Më: 10 tetor 2025 Në ora: 12:04
Kuvendi i Kosovës.

Kryetari i Kuvendit të Kosovës, Dimal Basha, ka kërkuar që votimi për nënkryetarin serb të Kuvendit të vazhdojë më short, duke e kritikuar përfaqësuesin e deputetëve serb, Igor Simiqin e Listës Serbe, se nuk pranoi ta propozonte Nenad Rashiqin.

Rashiqi vjen nga partia serbe për Liri, Drejtësi dhe Mbijetesë.

“Meqë po refuzohet të propozohet kandidati i mbetur, i cili po ashtu përfaqëson komunitetin serb, që është në harmoni të plotë me nenin 67 të Kushtetutës, atëherë në bazë të Rregullores së Punës së Kuvendit, jam i detyruar të vazhdoj me procedurës e shortit si mekanizëm zhbllokues”, tha Basha.

Simiq nga Lista Serbe tha se nëse do ta propozonte dike tjetër, do të ishte “shkelje kushtetuese”.

“Ne mund të propozojmë sërish dikë nga komuniteti serb, por vetëm këta kandidatë [të propozuar më parë] kanë të drejtë në bazë, të Kushtetutës dhe në bazë të Rregullores së Kuvendit. Gjithçka tjetër do të ishte shkelje e Kushtetutës dhe e Rregullores. Kjo pozitë i takon vetëm grupit të Listës Serbe”, tha ai.

comment Për komente lëvizni më poshtë
Sot mund të lexoni Shfletoni kopertinat