Ministria e Mbrojtjes ka falënderuar kompaninë Baykar, përmes prodhuesit Skydagger, për dorëzimin në kohë rekord të dronëve të prokuruar nga Ministria.
“Kontrata me Baykar, kompania amë e Skydagger, u nënshkrua në nëntor të vitit të kaluar. Sipas planit fillestar, dronët duhej të mbërrinin në janar 2026, mirëpo falë përkushtimit dhe profesionalizmit të kompanisë, dorëzimi u realizua tre muaj më herët,” thuhet në njoftimin e Ministrisë.
Ministria thekson se me këtë furnizim po vazhdon të “rrisë dhe forcojë kapacitetet goditëse të ushtrisë, në përputhje me zhvillimet teknologjike dhe taktikat e luftës bashkëkohore.”
Në përfundim, Ministria shprehu mirënjohjen: “Faleminderit Baykar dhe Skydagger!”
