Limaj: Shpresoj që me fitoren e kandidatëve të fitojnë edhe qytetarët

Aktuale

Limaj: Shpresoj që me fitoren e kandidatëve të fitojnë edhe qytetarët

Më: 12 tetor 2025 Në ora: 12:00
Fatmir Limaj

Kryetari i Nismës Socialdemokrate, Fatmir Limaj, ka votuar sot në zgjedhjet lokale, duke e cilësuar këtë ditë si një moment të rëndësishëm për demokracinë në Kosovë.

Pas votimit, Limaj tha se qytetarët kanë mundësi të vlerësojnë punën e udhëheqësve lokalë dhe të zgjedhin për përmirësimin e jetës në komunat e tyre.

“Sot është një moment i mirë për demokracinë në Kosovë. Qytetarët kanë shans të jashtëzakonshëm për të vlerësuar punën e atyre që kanë qenë dhe për t’i dhënë mundësi vetes për ta përmirësuar jetën në lokalitetet e tyre,” u shpreh ai.

Ai shtoi se pret që fitorja e kandidatëve të reflektojë edhe në përfitim të qytetarëve. “Shpresoj që kur kandidatët shpallin fitoren, të kenë fituar bashkë me qytetarët, sepse vetëm atëherë fitorja është e plotë,” theksoi Limaj.

comment Për komente lëvizni më poshtë
Sot mund të lexoni Shfletoni kopertinat