Komandanti i misionit KFOR, gjeneralmajor Ozkan Ulutash, priti sot në takim sekretarin e Ministrisë gjermane të Mbrojtjes, Sh.E. Jan Stöß.
Ulutash gjatë këtij takimi shprehu përkushtimin e misionit që ai drejton për ruajtjen e një ambienti sa më të sigurt për të gjithë njerëzit në Kosovë, raporton KosovaPress.
Në këtë kontekst, gjenerali Ulutash përgëzoi kontributin e gjatë të Gjermanisë në misionin paqeruajtës të NATO-s në Kosovë.
KFOR-i vazhdon të zbatojë mandatin e tij për të kontribuar në një mjedis të sigurt për të gjithë njerëzit që jetojnë në Kosovë dhe lirinë e lëvizjes, në koordinim të ngushtë me Policinë e Kosovës dhe Misionin e Sundimit të Ligjit të Bashkimit Evropian në Kosovë (EULEX).
