Avokati Tomë Gashi ka publikuar një video të mëhershme të gazetarit Vehbi Kajtazi, në të cilën ai shprehej kritik ndaj Ushtrisë Çlirimtare të Kosovës (UÇK) dhe ish-presidentit Hashim Thaçi.
Videoja e shpërndarë nga Gashi është rikthyer në vëmendje në prag të 17 Shkurtit – Ditës së Pavarësisë së Kosovës – kur është paralajmëruar mbajtja e një proteste në përkrahje të ish-krerëve të UÇK-së.
Përmes publikimit, Gashi ka ngritur pyetje publike nëse Kajtazi do të marrë pjesë në protestën e 17 shkurtit në mbështetje të UÇK-së dhe të Hashim Thaçit.
“A del ky…! A del ky në protestë më 17 shkurt në përkrahje të UÇK-së dhe të zotit Hashim Thaçi…!”, ka shkruar Gashi krahas videos së publikuar.
Protesta e paralajmëruar pritet të mbahet në ditën e përvjetorit të Pavarësisë së Kosovës, ndërsa organizatorët kanë bërë thirrje për pjesëmarrje qytetare në mbështetje të ish-krerëve të UÇK-së.
