Kurti akuzon opozitën për bllokim të procesit të zgjedhjes së Presidentit

Aktuale

Kurti akuzon opozitën për bllokim të procesit të zgjedhjes së Presidentit

Më: 29 prill 2026 Në ora: 00:42
Kryeministri në detyrë i Kosovës, Albin Kurti dhe Feride Rushiti

Kryeministri në detyrë i Kosovës, Albin Kurti, pas kalimit të afatit kushtetues për zgjedhjen e Presidentit dhe pas shpërndarjes së Kuvendit, në një konferencë për media së bashku me kandidaten për presidente të propozuar nga Vetëvendosje, Feride Rushiti ka akuzuar opozitën për bllokim të procesit dhe sjellje jo institucionale, duke thënë se ajo ka pamundësuar vazhdimin e raundeve të votimit për zgjedhjen e presidentes.

“Jemi këtu bashkë në Kuvendin e Republikës me kandidaten për presidente të Republikës, doktoreshën Feride Rushiti e cila mbrëmë gjatë përpjekjes për të konsumuar raundin e parë të zgjedhjes së presidentes së re mori 63 vota që ishte dëshmi se Kosova si shtet i pavarur , si republikë demokratike, mund të ketë presidente të re, mirëpo ajo çfarë mungon është opozita aty e cila me sjelljen e saj jo shtetërore, anti institucionale, me bojkotin dhe bllokimin pamundësoi konsumimin e raundit të parë për të vazhduar me raundin e dytë e të tretë”, ka deklaruar mes tjerash Kurti. 

Kurse, e kandiduara nga Lëvizja Vetëvendosje për presidente të Kosovës, Feride Rushiti ka deklaruar në një konferencë për media se ka pranuar kandidaturën me bindjen se është një figurë unifikuese dhe mund të ndihmojë në tejkalimin e ngërçit aktual politik.

Ajo tha se propozimi për kandidim ka ardhur nga qytetarë, shoqëria civile, të mbijetuar të dhunës seksuale, partnerë ndërkombëtarë dhe së fundi edhe nga kryeministri Albin Kurti.

comment Për komente lëvizni më poshtë
Sot mund të lexoni Shfletoni kopertinat