Vendimi i gjykatës në favor të Mehanit, ai përmend emrat e atyre që e sulmuan

Aktuale

Vendimi i gjykatës në favor të Mehanit, ai përmend emrat e atyre që e sulmuan

Nga: A.SH Më: 25 gusht 2026 Në ora: 12:19
Dëshmia

Zyrtari i LVV-së, Hysni Mehani, ka njoftuar se gjykata ka hedhur poshtë padinë e ish-deputetit të PDK-së, Bekim Haxhiu, ndaj tij.

Mehani ka thënë se padia ishte “e stisur dhe pa bazë”, ndërsa ka akuzuar disa figura të PDK-së për sulme ndaj tij në media dhe fizikisht.

Ai ka deklaruar se, pavarësisht situatës, beson se “bashkë me Skënderajn” do të tejkalojë, siç e ka quajtur ai, këtë “mendësi shpellarësh”.

Postimi i plotë:

Gjykata e ka hedhur poshtë padinë e ish deputetit Bekim Haxhiut kundër meje!

Bekim Haxhiu e avokati i tij Xhevdet Smakiqi përmes një padie pa takt e të stisur kërkonin nga gjykata dënimin tim. Gjykata e ka hedhur poshtë padinë e tyre si të pa bazë.

Dmth gjatë kësaj verë më kanë sulmuar fizikisht, në gjykata e media duke tentuar të më thyejnë shpirtërisht e denigrojnë: Sami Lushtaku, Nuredin Lushtaku, Bekim Haxhiu, Hysni Gucati, Berat Buzhala, Lirim Mehmeti, ish vrasësi, do të imtë si Ganja, Blerta e Mergimi, plus krejt grupi parlamentar i PDK-së, deri te kryetari i tyre kukull, Bedri Hamza.

Sado e pashpresë që duket situata: ka njerëz që i ka rrokë plumbi në lule të ballit e kanë pshtu.

Edhe unë bashkë me Skënderajn kemi me pshtu prej kësaj mëndësie shpellarësh që mendojnë së në Skënderaj duhet të ekzistojë vetëm një parti.

comment Për komente lëvizni më poshtë
Sot mund të lexoni Shfletoni kopertinat