Shqiptarja e Kosovës, që la pa fjalë botën!

Alpinizem

Shqiptarja e Kosovës, që la pa fjalë botën!

Nga: K.Goca Më: 31 gusht 2021 Në ora: 13:03
Shqiptarja e Kosovës, që la pa fjalë botën!

Mrika Nikçi, alpinistja që u bë vajza më e re që pushtoi shtatë majat më të larta të shtatë kontinenteve. 

Për arritjet e saj, vëmendje i ka kushtuar edhe Federata Ndërkombëtare e Alpinizmit (UIAA).

“Alpinistja Mrika Nikҫi, e lindur në Pejë të Kosovës, filloi të eksploronte bukuritë malore të Kosovës dhe Shqipërisë në moshë të re. 
Së bashku me babain e saj, Arianitin, avokat dhe alpinist, Mrika filloi të ngjitej seriozisht (majave) në adoleshencën e saj të hershme pas një periudhe të suksesshme që përfaqësoi Kosovën në Karate.

Image

Sidoqoftë, ishte fundi i janarit të vitit 2018, duke qëndruar në majë të malit Kilimanjaro, i lindi një ide”, shkruan mes të tjera faqja UIAA.

”Pasi unë dhe babai im u ngjitem në Kilimanjaro, unë u mahnita me pamjet, kështu që mendova me vete se do të doja shumë të shihja lindjen e diellit nga maja më e lartë e shtatë kontinenteve",- shpjegon Mrika.

Sfida u vendos shpejt, qëllimi për të përfunduar shtatë maje deri në ditëlindjen e 18 -të të Mrikës (6 dhjetor 2019), gjë që do ta bënte atë jo vetëm shqiptaren e parë që përfundoi sfidën, por edhe femrën më të re ndonjëherë.

Image

Në dhjetor të vitit 2018, Mrika u ngjit në majën më të lartë në Antarktidë, Mount Vinson (4892 metra), të cilën ajo e përshkruan si më të vështirën nga shtatë majet për t'u përgatitur logjistikisht. Mjegulla e madhe bëri që ajo të qëndronte në kampin bazë për 11 ditë, që është qëndrimi më i gjatë i detyruar deri më sot.

Kjo ishte vetëm njëra nga sfidat e shumta që ishin përpara. Pasi u ngjit në Aconcagua, Amerika e Jugut (6961 metra) në shkurt të vitit 2019, Mrika përfundoi pesë majet e saja të fundit për vetëm gjashtë muaj, një arritje që e testoi atë dhe babain e saj.

Ortekët, akullnajat e rëna, kushtet e ftohta dhe një periudhë sëmundjeje në malin Everest (8848 metra), e cila kërkoi pesë ditë antibiotikë nuk arriti të zbehte vendosmërinë e saj dhe ajo më në fund arriti kulmin e majës më të lartë në botë pas një ekspedite dy-mujore Me pas vetëm pas pushimit të shkurtër, Mrika filloi ekspeditën e saj më sfiduese fizike, Denali, Alaska (6194 metra). 

“Ishte shumë sfiduese, aq shumë për atë moment në Denali mendova me vete se a do t’ia dilja? Po ndihesha e lodhur, ndonjëherë jo e motivuar, por po i shtyja kufijtë e mi dhe më pas u ndjeva aq krenare për veten time, prandaj vazhdova të ngjitem, sepse isha në gjendje të kontrolloja mendjen dhe trupin tim dhe po realizoja ëndrrën time", tha ajo.

Pavarësisht se babai i saj pësoi një dëmtim në lëshim nga mali Elbrus, Rusi (5642 metra), ëndrra e saj u realizua më në fund më 15 gusht të vitit 2019, ajo përfundoi sfidën e saj të jashtëzakonshme në Piramidën Puncak Jaya/Carstensz, Indonezi (4884 metra).

Shtatë majat 

Kilimanjaro, Afrikë (29 janar 2018)
Vinson, Antarctica (16 dhjetë 2018)
Aconcagua, Amerika e Jugut (16 shkurt 2019)
Everest, Azia (27 maj 2019)
Denali, Amerika e Veriut (20 qershor 2019)
Elbrus, Rusia (7 korrik 2019)
Carstensz Pyramid, Indonezia (15 gusht 2019)

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat