Klubi Alpin Prishtina ju fton të merrni pjesë në ecjen e radhës që do të zhvillohet këtë të diel në Bjeshkët e Shtedimit dhe Rusolisë. Kësaj radhe startojmë nga fshati Shtupeq për të arritur në Bjeshkët e Shtedimit, Stanet e Gllogjanit dhe Majën e Rusolisë.
Ky rajon është pjesë e rrjetit ndërkombëtar të shtigjeve Via Dinarica dhe si i tillë shënon ndërlidhjen në mes Malit të Zi dhe Kosovës.
“Bjeshkët e Shtupeqit, Shtedimit dhe Rusolisë janë pjesa veriore e Rugovës dhe kufizohen me Malin e Zi.
Gjatë ecjes do të kalojmë nëpër stanet e Gllogjanit dhe Logjës për të kaluar nga Gropat e Rusolisë dhe vet Maja e Rusolisë. Në kthim do ta bëjmë një pushim në lokalet hoteliere të zonës”,- njofton KA Prishtina.
