Uk Lushi u takua me diplomaten Vlora Çitaku, në New York

Amerika

Uk Lushi u takua me diplomaten Vlora Çitaku, në New York

Nga: Beqir Sina Më: 8 mars 2021 Në ora: 23:03
Uk Lushi dhe Vlora Çitaku

Vlora Çitaku e ka përfunduar zyrtarisht detyrën e saj si Ambasadore e Kosovës në Shtetet e Bashkuara të Amerikës.

Kjo gjë u konfirmua nga Ministria e Punëve të Jashtme të Kosovës.

“Ambasadorja e Kosovës në Washington, Vlora Çitaku ka përfunduar me sukses mandatin e saj. Ne dëshirojmë të shprehim mirënjohjen tonë më të sinqertë për shërbimin e saj dhe përfaqësimin e jashtëzakonshëm të Kosovës në Shtetet e Bashkuara”, thuhet tutje në njoftim.

Njoftimin e ministrisë e ka publikuar edhe Çitaku e cila ka thënë se ishte nder për të që të shërbente si Ambasadore e Kosovës në SHBA-së.

“Faleminderit nga zemra! Të shërbej si Ambasadore e Kosovës në SHBA ka qenë nderi i jetës sime”, ka shkruar Çitaku

Mirëpo, ajo “nuk mund” të largohej nga SHBA, ku shërbeu në diplomacy, për një dekadë, fillimisht sherbeu si Konsulle e Përgjithshme e Kosovës, në New York, dhe, së fundi si Ambasadore e R.K. në Washington, pa u takuar me miqt e shumtë, që bëri ajo në komunitetin shqiptar të Amerikës.

Shqiptaro-amerikani, Uk Lushi,veprimtari i njohur i komunitetit, nëpërmjet një fotografie postuar në llogarinë e tij, në rrjetin social Facebook, shkruan se ka takuar Ambasadoren Vlora Çitaku, në një takim në qytetin e New Yorkut.

Lushi, në shënimin e tij, shkruan se Gratë shqiptare sot janë në nivelin e grave të kombeve më të civilizuara, andaj thotë ai në Ditën Ndërkombëtare të Grave, për punën dhe përfaqësimin e saj, dua të falënderoj diplomaten tonë Vlora Çitaku.

Shqiptaro-amerikani, Uk Lushi,veprimtari i njohur i komunitetit, shkruan : “ Jo shumë shpesh kam takuar personalitete tonat me të cilët mund të debatosh, mospajtohesh pa rrezik hatërmbetjeje meskine, bashkëpunosh lehtësisht dhe flasish hapur e lirshëm si me Çitakun. Ndihem mirënjohës që e kam mike dhe uroj që pas kthimit të saj nga misioni në SHBA Vlora të vazhdojë të kontribojë për shtetin dhe shqiptarët në Prishtinë dhe kudo në Ballkan.”

Shfaq komentet
comments powered by Disqus
Sot mund të lexoni Shfletoni kopertinat