Një Çmim nga Presidenti Ruben Diaz Jr

Amerika

Një Çmim nga Presidenti Ruben Diaz Jr

Nga: Marlin Tushe Më: 1 nëntor 2021 Në ora: 17:00
Foto nga vendi i ngjarjes

Me rastin e ditës së Halloween, Organizata e Gruas "Hope & Peace" organizoi një drekë festive në ambjentet e restorantit "Chart House" në New Jersey. Një lokal i këndshëm ky, ndërtuar pranë brigjeve të lumit Hudson e me pamje spektakolare të Manhattan-it.

Gratë pjesëmarrëse ishin të gjitha që kishin përjetuar persekucion politik nga rregjimi komunist në Shqipëri dhe rregjimi i Millosheviçit në Kosovë e Maqedoni, si Suzana Matja, Flora Selfo, Dolora Bushati me bashkëshortin Akil Bushati dhe ky ish i përndjekur politik në Shqipëri, Kryetarja e Shoqatës "Marigona" në New Jersey Zj. Sabije Veseli, Mjafturie Daci, Moza Boletini, Kimete Haxhaj nga Prishtina së bashku me bashkëshortin Zenel Haxhaj, Marlin Tushe etj.

Në emër të Organizatës "Hope & Peace", Zj. Mjafturie Daci i dha Zj. Dolora Bushati mirënjohjen e veçantë që Presidenti i Bashkisë në Bronx Z. Ruben Diaz, Jr., i akordoi Zj. Bushati për veprimtarinë saj të çmuar për të drejtat e grave dhe fëmijëve në Bronx, Queens e më gjerë. Festa kaloi gëzueshëm e me biseda të përzemërta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat