Shqiptari Emin Egriu, edhe zyrtarisht kandidat për Kongres nga Qarku i 26-të i New Yorkut

Amerika

Shqiptari Emin Egriu, edhe zyrtarisht kandidat për Kongres nga Qarku i 26-të i New Yorkut

Më: 23 maj 2022 Në ora: 19:58
Emin Eddie Egriu

Shqiptaro-amerikani, Emin Eddie Egriu, tashmë është kandidatë zyrtar për kongresin amerikan, si kandidat i Qarkut të 26-të të New Yorkut.

Peticioni i Emin Eddie Egriu për postin publik të Përfaqësuesit në Kongres nga Distrikti i 26-të i Kongresit të New Yorkut është pranuar nga Bordi i Zgjedhjeve.

Të mërkurën, më 18 maj, Bordi i Zgjedhjeve i shpalli të pavlefshme kundërshtimet e bëra për peticionin e Egriut dhe Egriu tani është në listën e fletëvotimeve.

Peticioni i Egriut për Partinë Demokratike, i depozituar fillimisht rreth orës 14:00. të enjten, më 7 prill, u kundërshtua nga Lisa Saunders, një votuese e të premtes, më 8 prill. Edhe pse kërkoheshin vetëm 1250 kërkesa për t’u depozituar, Egriu paraqiti 2920 peticione, më shumë se dyfishi i numrit minimal të kërkesave.

Pavarësisht se afati i fundit për të paraqitur një kundërshtim të përgjithshëm ndaj peticioneve ishte tre ditë, Saunders paraqiti kundërshtimet e saj të nesërmen në mëngjes, duke deklaruar se nuk kishte numër të mjaftueshëm të nënshkrimeve të vlefshme dhe se peticioni nuk ishte në përputhje me kërkesat e Ligjit Zgjedhor.

“Është e pamundur që dikush të kalojë rreth 3000 nënshkrime në më pak se 24 orë dhe të bëjë një kundërshtim”, tha Egriu.

Pas një ekzaminimi ‘prima facie’, Bordi i Zgjedhjeve i Shtetit të Nju Jorkut zbuloi se kundërshtimet specifike nuk ishin paraqitur nga Saunders deri më 19 prill, duke tejkaluar afatin prej gjashtë ditësh për të paraqitur kundërshtime specifike, duke përfshirë ditët e punës dhe të shtunat.

Kundërshtimi specifik i paraqitur nga Saunders u gjet i pavlefshëm nga Bordi i Zgjedhjeve.

“Shteti është shumë i plotë në hetimet e tij dhe ata mohojnë diçka vetëm nëse i është shërbyer gabimisht”, shtoi Egriu.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat