Urdhëri i Lirisë për patriotin e palodhur Jim Xhema

Amerika

Urdhëri i Lirisë për patriotin e palodhur Jim Xhema

Harry Bajraktari Nga Harry Bajraktari Më 26 maj 2022 Në ora: 06:47
Nga e majta, Jim Xhema, Senatori Alfonse D’Amato, dhe Harry Bajraktari.

Urime mikut tim Jim Xhema!

Dua të përgëzoj Presidenten e Kosovës, Vjosa Osmani për nderimin e aktivistit Jim Xhema me Urdhërin e Lirisë.

Janë të paktë ata njerëz në komunitetin shqiptaro-amerikan që kanë bërë aq shumë për Kosovën dhe Çështjen Shqiptare në përgjithësi sa Jim Xhema.

Mes shërbimeve të shumta që i ka bërë kombit shqiptar, Jim Xhema ka prezantuar Senatorin e Amerikës Bob Dole me komunitetin shqiptar dhe kombin shqiptar, dhe të dy mbetën miq deri në fund. Që nga vizita e tij e pare, në Kosovë, në 1990 e deri ditën që mbylli sytë përgjithmonë, Senatori Dole mbeti një mik i kombit shqiptar.

Jim Xhema ka qenë i pranishëm në të gjitha veprimtaritë kryesore që kemi bërë në Washington dhe New York, në 40 vitet e fundit. Ai ka qenë gjithmonë në vijën e pare të përpjekjeve për të ndihmuar kombin shqiptar.

Puna e komunitetit tonë ka qenë vendimtare për çlirimin dhe pavarësimin e Kosovës. Jam i gëzuar që Presidentja Vjosa Osmani shpreh mirënjohje dhe po nderon punën dhe kontributin e diasporës sonë.

Urime Jim Xhema për Urdhërin shumë të merituar të Lirisë!

Image
Jim Xhema (djathtas) me Senatorin Bob Dole (qendër) gjatë një tubimi për Kosovën me komunitetin shqiptaro-amerikan.
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat